MAITASUN SONETOAK
35 SONETOA
Egilea: Juan José Camisón
Traductor: Juan Antonio Atutxa
Urrun partitu, oso urrun, egonezinaz hordi,
musu, hitz eta latitude berriak esploratu
liburu irakurriak eta ahantziak alboratu,
oihartzun berriak ezpain berrietan aurkitu…
Zure begiek islaturiko lorategi ederrek
eta ene ontziak zeharkaturiko itsaso sakonek
ez dute nehoiz ilargirik gabeko basamortu sutsuek
itotako ene bihotza atxikiko
Boga, zirga, oihal betean
zeharkatu itsasoak, milak, kapitain edo marinel,
eta urrutiko hondartzetarantz fite itsastatu
Utzi atzean itsaslaminak, arrangurak, hondoratzea,
zilarrezko lorratzari jarraituz eskuratu baititzakezu
askatasun-kantu urdinak, bakea eta uharte goxoak